Հանրակրթության բնագավառի օրենսդրություն

ՆԿԱՐԱԳՐՈՒԹՅՈՒՆ

«Հանրակրթության բնագավառի օրենսդրություն» բաժինը բաղկացած է 10 ժամից, ներառում է 4 թեմա և գործնական պարապմունքներ: Դասընթացը ամփոփվելու է թեստային աշխատանքի միջոցով:

ՎԿԱՅԱԿԱՆ / ՏԵՂԵԿԱՆՔ

Դասընթացի ավարտին մասնակիցները կստանան 1 կրեդիտը հավաստող վկայական:

ՆՊԱՏԱԿ / ԽՆԴԻՐՆԵՐ

• Ծանոթացնել ուսուցիչներին կրթության բնագավառին վերաբերող իրավական ակտերին, հանրակրթության պետական չափորոշչի բովանդակությանը,
• Բարձրացնել ուսուցիչների ընդհանուր մակարդակը բնագավառի օրենսդրությանը վերաբերվող հարցերում, կատարելագործել օրենքներից օգտվելու նրանց հմտությունները,
• Ուսուցման գործընթացը ուղղորդել դեպի բոլոր շահառուների (աշակերտ, ծնող, ուսուցիչ և մյուս մանկավարժական աշխատողների) իրավունքների ու պարտականությունների հստակ իմացության ու կատարման դաշտ,
• Տեսական և գործնական աշխատանքների միջոցով բարձրացնել ուսուցչի իմացական մակարդակը օրենսդրության բնագավառում: Որոշակի իրավիճակային հարցերի քննարկման արդյունքում նպաստել, որպեսզի ավելի ճիշտ կողմնորոշվեն կրթական գործընթացի հետ կապված տարբեր իրավիճակներում:

ՎԵՐՋՆԱՐԴՅՈՒՆՔ

Ուսուցիչը կկարողանա՝

ա) պաշտպանել իր և սովորողների իրավունքները,

բ) ներկայացնել հանրակրթության պետական չափորոշչի կառուցվածքային գլխավոր բաղադրիչները և դրանց միջև առկա փոխադարձ կապերը,

գ) ներկայացնել ատեստավորման և տարակարգի շնորհման հիմնական գործընթացները,

դ) ներկայացնել ուսումնական հաստատության մանկավարժական աշխատողների պաշտոնային պարտականությունները։