Առաջադրանքների տեսակները

Թեմատիկ և կիսամյակային գրավոր աշխատանքում պետք է ընդ­գրկվեն սովորողներին ներկայացվող չափորոշիչային պահանջներին համապա­տասխան առաջադրանքներ` դրանց յուրացման մակարդակը բացահայ­տելու նպատակով: Առաջադրանքները կարող են տրվել թեստերով, որոնցում ներառ­ված են ծրագրում առկա տարաբնույթ առաջադրանքներ.

• պատասխանի ընդարձակ շարադրմամբ,
• ճիշտ պատասխանի ընտրությամբ,
• կարճ պատասխան պահանջող,
• ապացուցում պահանջող,
• գործնական, կիրառական նշանակություն ունեցող,
• կառուցվածքի փոփոխություն պահանջող,
• գծապատկերի կազմման պահանջով,
• համապատասխանեցման պահանջով,
• բաց թողածը լրացնելու պահանջով,
• ստեղծագործական մոտեցում պահանջող, կամ դրանց համադրմամբ:

Թեմատիկ և կիսամյակային գրավոր աշխատանքներում պետք է ներառվեն 1-ին, 2-րդ և 3-րդ կարգի բարդության առաջադրանքներ, ինչպես նաև համեմա­տաբար դժվար առաջադրանքներ, որոնք պահանջում են նյութի խորքա­յին յուրացում, բարդ և անծանոթ իրադրություններում կողմնորոշվելու կարողություն, գիտելիքներն ստեղծագործաբար կիրառելու հմտություն:

Այդ գրավոր աշխատանքները գնահատվում են 10 միավորային սանդղակով:

Ամփոփիչ թեստ (գործնական աշխատանք)

       Թեմատիկ աշխատանք

Թեմատիկ գրավոր աշխատանքը միավորային գնահատման մի տեսակ է, որի իրականացման ընթացքում սովորողն իր ուսանած ուսում­նական նյութը ներկայացնում է գրավոր:

Այդ աշխատանքները տրվում են ծրագրային որոշակի թեմա ուսու­ցանելուց հետո: Թեմատիկ գրավոր աշխատանքում պետք է ընդ­գրկվեն սովորողներին ներկայացվող չափորոշչային պահանջներին համապա­տասխան առաջադրանքներ` դրանց յուրացման մակարդակը բացահայ­տելու նպատակով: Կախված ուսումնական առարկայից և թեմայից` թեմատիկ աշխատանքը կարող է նաև լինել բանավոր կամ գործնական: Կարրելի է կիառել նաև կարճաժամկետ գրավոր աշխատանքներ:

Թեմատիկ գրավոր աշխատանքներում պետք է ներառվեն 1-ին, 2-րդ և 3-րդ կարգի բարդության առաջադրանքներ, ինչպես նաև համեմա­տաբար դժվար առաջադրանքներ, որոնք պահանջում են նյութի խորքա­յին յուրացում, բարդ և անծանոթ իրադրություններում կողմնորոշվելու կարողություն, գիտելիքներն ստեղծագործաբար կիրառելու հմտություն:

Այդ գրավոր աշխատանքները գնահատվում են 10 միավորային սանդղակով: Եթե գնահատման համար ընտրվում է այլ սանդղակ, ապա պաշտոնական գրանցման համար այդ սանդղակով ստացված միավորները պետք է բերել 10 միավորային սանդղակի` օգտվելով համապատասխան բանաձևից:

Կիսամյակային ամփոփիչ աշխատանք

Կիսամյակային ամփոփիչ աշխատանքի նպատակն է` պարզել կիսամյակի ընթացքում սովորողի ձեռք բերած գիտելիքի և կրթության բովանդակության «կարողություններ և հմտություններ» բաղադրիչի մա­կարդակը, ինչպես նաև պարզել կիսամյակի վերջում աշակերտի մնա­ցոր­դային գիտելիքը:

Կիսամյակային ամփոփիչ աշխատանքը կարող է իրագործվել բա­նավոր հարցման, գրավոր աշխատանքի կամ գործնական աշխա­տանքի միջոցով: Հարցման ձևը որոշում են առարկայական մասնագետներն ու տնօրինությունը:

Կիսամյակային ամփոփիչ գրավոր աշխատանքին տրվող ժամա­նակը որոշվում է` կախված ուսումնական առարկայից: Աշխատանքին տրվող ժամանակը պետք է համապատասխանի թեստի առաջադրանք­ները կատարելու սովորողի հնարավորություններին:

Կիսամյակային ամփոփիչ աշխատանքը պետք է պարունակի չա­փորոշչով նախատեսված բոլոր բարդության առաջադրանքներ և ընդգրկի ամբողջ կիսամյակի ընթացքում անցած նյութը: Թեստը պետք է ապահովի սովորողի առավելագույն, և չափո­րոշի­չային նվազագույն գիտելիքներ ունեցող սովորողի` անցումային, միա­վոր ստանալու հնարավորությունը:

Թեստի յուրաքանչյուր առաջադրանքի կատարման համար տրվում է առանձին միավոր, նշվում է գնահատման քայլը: Յուրաքանչյուր առա­ջադրանք գնահատվում է մյուսներից անկախ:

Այդ գրավոր աշխատանքները գնահատվում են 10 միավորային սանդղակով: Եթե գնահատման համար ընտրվում է այլ սանդղակ, ապա պաշտոնական գրանցման համար այդ սանդղակով ստացված միավորները պետք է բերել 10 միավորային սանդղակի` օգտվելով համապատասխան բանաձևից:

Գրականություն`

1. Օ.Ս. Միքայելյան, Ս.Օ.Միքայելյան: <<Ընթացիկ գնահատման նոր համակարգը որպես կրթության որակի բարելավման խթան>> ուսուցչի ձեռնարկ: Երևան 2010: Էլեկտրոնային տարբերակը տեղադրված է գտնել Կրթության ազգային ինստիտուտի կայքում` www.aniedu.am – Հանրակրթություն – Գնահատում բաժնում:

2. Օնիկ Միքայելյան, Սոնա Միքայելյան: <<Թեստ. կառուցման և արդյունքների վերլուծության հիմունքներ>> ձեռնարկ: Երևան 2015, <<Զանգակ>> հրատարակչություն:

3. Թ. Թովմասյան, Լ. Գրիգորյան, 5-6-րդ դասարանների թեմատիկ պլանների, հայորոշիչ թեստերի և կիսամյակային ամփոփիչ աշխաանքների ժողովածու.  Եր., «Էդիթ Պրինտ» հրատարակչություն, 2017 :

4. Սիրամարգ Վարդումյան, Նինա Ջաղինյան, Լիլիթ Հարությունյան, Գարի Վարելլա: <<Ժամանակակից մանկավարժական մոտեցումներ. տեսություններ, մեթոդներ, գնահատում>> ձեռնարկ: Երևան 2005, <<Նոյյան Տապան>> հրատարակչություն:

5. <<Լեզուների իմացության/իրազեկության համաեվրոպական համակարգ. Ուսումնառություն, դասավանդում, գնահատում>>: Երևան 2005, <<Նորք>> գրատուն:

6. Ա. Հովհաննիսյան, Կ. Հարությունյան, Ս. Խրիմյան և ուրիշներ: <<Համագործակցային ուսուցում>> ձեռնարկ: Երևան 2006, <<Անտարես>> հրատարակչություն: Գնահատումը` տես էջ. 79-89: